ترجمہ قرآن » سورة الليل - الليل
سورة الليل [0]
قسم ہے رات کی جبکہ وہ چھا جائے سورة الليل [1]
اور دن کی جبکہ وہ روشن ہو سورة الليل [2]
اور اُس ذات کی جس نے نر اور مادہ کو پیدا کیا سورة الليل [3]
درحقیقت تم لوگوں کی کوششیں مختلف قسم کی ہیں سورة الليل [4]
تو جس نے (راہ خدا میں) مال دیا اور (خدا کی نافرمانی سے) پرہیز کیا سورة الليل [5]
اور بھلائی کو سچ مانا سورة الليل [6]
اس کو ہم آسان راستے کے لیے سہولت دیں گے سورة الليل [7]
اور جس نے بخل کیا اور (اپنے خدا سے) بے نیازی برتی سورة الليل [8]
اور بھلائی کو جھٹلایا سورة الليل [9]
اس کو ہم سخت راستے کے لیے سہولت دیں گے سورة الليل [10]
اور اُس کا مال آخر اُس کے کس کام آئے گا جبکہ وہ ہلاک ہو جائے؟ سورة الليل [11]
بے شک راستہ بتانا ہمارے ذمہ ہے سورة الليل [12]
اور درحقیقت آخرت اور دنیا، دونوں کے ہم ہی مالک ہیں سورة الليل [13]
پس میں نے تم کو خبردار کر دیا ہے بھڑکتی ہوئی آگ سے سورة الليل [14]
اُس میں نہیں جھلسے گا مگر وہ انتہائی بد بخت سورة الليل [15]
جس نے جھٹلایا اور منہ پھیرا سورة الليل [16]
اور اُس سے دور رکھا جائیگا وہ نہایت پرہیزگار سورة الليل [17]
جو پاکیزہ ہونے کی خاطر اپنا مال دیتا ہے سورة الليل [18]
اُس پر کسی کا کوئی احسان نہیں ہے جس کا بدلہ اُسے دینا ہو سورة الليل [19]
وہ تو صرف اپنے رب برتر کی رضا جوئی کے لیے یہ کام کرتا ہے سورة الليل [20]
اور ضرور وہ (اُس سے) خوش ہوگا سورة الليل [21]