ترجمہ قرآن » سورة الفجر - الفجر
سورة الفجر [0]
قسم ہے فجر کی سورة الفجر [1]
اور دس راتوں کی سورة الفجر [2]
اور جفت اور طاق کی سورة الفجر [3]
اور رات کی جبکہ وہ رخصت ہو رہی ہو سورة الفجر [4]
کیا اِس میں کسی صاحب عقل کے لیے کوئی قسم ہے؟ سورة الفجر [5]
تم نے دیکھا نہیں کہ تمہارے رب نے کیا برتاؤ کیا سورة الفجر [6]
اونچے ستونوں والے عاد ارم کے ساتھ سورة الفجر [7]
جن کے مانند کوئی قوم دنیا کے ملکوں میں پیدا نہیں کی گئی تھی؟ سورة الفجر [8]
اور ثمود کے ساتھ جنہوں نے وادی میں چٹانیں تراشی تھیں؟ سورة الفجر [9]
اور میخوں والے فرعون کے ساتھ؟ سورة الفجر [10]
یہ وہ لوگ تھے جنہوں نے دنیا کے ملکوں میں بڑی سرکشی کی تھی سورة الفجر [11]
اور ان میں بہت فساد پھیلایا تھا سورة الفجر [12]
آخرکار تمہارے رب نے ان پر عذاب کا کوڑا برسا دیا سورة الفجر [13]
حقیقت یہ ہے کہ تمہارا رب گھات لگائے ہوئے ہے سورة الفجر [14]
مگر انسان کا حال یہ ہے کہ اس کا رب جب اُس کو آزمائش میں ڈالتا ہے اور اُسے عزت اور نعمت دیتا ہے تو وہ کہتا ہے کہ میرے رب نے مجھے عزت دار بنا دیا سورة الفجر [15]
اور جب وہ اُس کو آزمائش میں ڈالتا ہے اور اُس کا رزق اُس پر تنگ کر دیتا ہے تو وہ کہتا ہے کہ میرے رب نے مجھے ذلیل کر دیا سورة الفجر [16]
ہرگز نہیں، بلکہ تم یتیم سے عزت کا سلوک نہیں کرتے سورة الفجر [17]
اور مسکین کو کھانا کھلانے پر ایک دوسرے کو نہیں اکساتے سورة الفجر [18]
اور میراث کا سارا مال سمیٹ کر کھا جاتے ہو سورة الفجر [19]
اور مال کی محبت میں بری طرح گرفتار ہو سورة الفجر [20]
ہرگز نہیں، جب زمین پے در پے کوٹ کوٹ کر ریگ زار بنا دی جائے گی سورة الفجر [21]
اور تمہارا رب جلوہ فرما ہوگا اِس حال میں کہ فرشتے صف در صف کھڑے ہوں گے سورة الفجر [22]
اور جہنم اُس روز سامنے لے آئی جائے گی، اُس دن انسان کو سمجھ آئے گی اور اس وقت اُس کے سمجھنے کا کیا حاصل؟ سورة الفجر [23]
وہ کہے گا کہ کاش میں نے اپنی اِس زندگی کے لیے کچھ پیشگی سامان کیا ہوتا! سورة الفجر [24]
پھر اُس دن اللہ جو عذاب دے گا ویسا عذاب دینے والا کوئی نہیں سورة الفجر [25]
اور اللہ جیسا باندھے گا ویسا باندھنے والا کوئی نہیں سورة الفجر [26]
(دوسری طرف ارشاد ہوگا) اے نفس مطمئن! سورة الفجر [27]
چل اپنے رب کی طرف، اِس حال میں کہ تو (اپنے انجام نیک سے) خوش (اور اپنے رب کے نزدیک) پسندیدہ ہے سورة الفجر [28]
شامل ہو جا میرے (نیک) بندوں میں سورة الفجر [29]
اور داخل ہو جا میری جنت میں سورة الفجر [30]