ترجمہ قرآن » سورة الغاشية - الغاشية
سورة الغاشية [0]
کیا تمہیں اُس چھا جانے والی آفت کی خبر پہنچی ہے؟ سورة الغاشية [1]
کچھ چہرے اُس روز خوف زدہ ہوں گے سورة الغاشية [2]
سخت مشقت کر رہے ہوں گے سورة الغاشية [3]
تھکے جاتے ہوں گے، شدید آگ میں جھلس رہے ہوں گے سورة الغاشية [4]
کھولتے ہوئے چشمے کا پانی انہیں پینے کو دیا جائے گا سورة الغاشية [5]
خار دار سوکھی گھاس کے سوا کوئی کھانا اُن کے لیے نہ ہوگا سورة الغاشية [6]
جو نہ موٹا کرے نہ بھوک مٹائے سورة الغاشية [7]
کچھ چہرے اُس روز با رونق ہوں گے سورة الغاشية [8]
اپنی کار گزاری پر خوش ہوں گے سورة الغاشية [9]
عالی مقام جنت میں ہوں گے سورة الغاشية [10]
کوئی بیہودہ بات وہاں نہ سنیں گے سورة الغاشية [11]
اُس میں چشمے رواں ہوں گے سورة الغاشية [12]
اُس کے اندر اونچی مسندیں ہوں گی سورة الغاشية [13]
ساغر رکھے ہوئے ہوں گے سورة الغاشية [14]
گاؤ تکیوں کی قطاریں لگی ہوں گی سورة الغاشية [15]
اور نفیس فرش بچھے ہوئے ہوں گے سورة الغاشية [16]
(یہ لوگ نہیں مانتے) تو کیا یہ اونٹوں کو نہیں دیکھتے کہ کیسے بنائے گئے؟ سورة الغاشية [17]
آسمان کو نہیں دیکھتے کہ کیسے اٹھایا گیا؟ سورة الغاشية [18]
پہاڑوں کو نہیں دیکھتے کہ کیسے جمائے گئے؟ سورة الغاشية [19]
اور زمین کو نہیں دیکھتے کہ کیسے بچھائی گئی؟ سورة الغاشية [20]
اچھا تو (اے نبیؐ) نصیحت کیے جاؤ، تم بس نصیحت ہی کرنے والے ہو سورة الغاشية [21]
کچھ ان پر جبر کرنے والے نہیں ہو سورة الغاشية [22]
البتہ جو شخص منہ موڑے گا اور انکار کرے گا سورة الغاشية [23]
تو اللہ اس کو بھاری سزا دے گا سورة الغاشية [24]
اِن لوگوں کو پلٹنا ہماری طرف ہی ہے سورة الغاشية [25]
پھر اِن کا حساب لینا ہمارے ہی ذمہ ہے سورة الغاشية [26]