ترجمہ قرآن » سورة الطارق - الطارق
سورة الطارق [0]
قسم ہے آسمان کی اور رات کو نمودار ہونے والے کی سورة الطارق [1]
اور تم کیا جانو کہ وہ رات کو نمودار ہونے والا کیا ہے؟ سورة الطارق [2]
چمکتا ہوا تارا سورة الطارق [3]
کوئی جان ایسی نہیں ہے جس کے اوپر کوئی نگہبان نہ ہو سورة الطارق [4]
پھر ذرا انسان یہی دیکھ لے کہ وہ کس چیز سے پیدا کیا گیا ہے سورة الطارق [5]
ایک اچھلنے والے پانی سے پیدا کیا گیا ہے سورة الطارق [6]
جو پیٹھ اور سینے کی ہڈیوں کے درمیان سے نکلتا ہے سورة الطارق [7]
یقیناً وہ (خالق) اُسے دوبارہ پیدا کرنے پر قادر ہے سورة الطارق [8]
جس روز پوشیدہ اسرار کی جانچ پڑتال ہوگی سورة الطارق [9]
اُس وقت انسان کے پاس نہ خود اپنا کوئی زور ہوگا اور نہ کوئی اس کی مدد کرنے والا ہوگا سورة الطارق [10]
قسم ہے بارش برسانے والے آسمان کی سورة الطارق [11]
اور (نباتات اگتے وقت) پھٹ جانے والی زمین کی سورة الطارق [12]
یہ ایک جچی تلی بات ہے سورة الطارق [13]
ہنسی مذاق نہیں ہے سورة الطارق [14]
یہ لوگ کچھ چالیں چل رہے ہیں سورة الطارق [15]
اور میں بھی ایک چال چل رہا ہوں سورة الطارق [16]
پس چھوڑ دو اے نبیؐ، اِن کافروں کو اک ذرا کی ذرا اِن کے حال پر چھوڑ دو سورة الطارق [17]