ترجمہ قرآن » سورة البروج - البروج
سورة البروج [0]
قسم ہے مضبوط قلعوں والے آسمان کی سورة البروج [1]
اور اُس دن کی جس کا وعدہ کیا گیا ہے سورة البروج [2]
اور دیکھنے والے کی اور دیکھی جانے والی چیز کی سورة البروج [3]
کہ مارے گئے گڑھے والے سورة البروج [4]
(اُس گڑھے والے) جس میں خوب بھڑکتے ہوئے ایندھن کی آگ تھی سورة البروج [5]
جبکہ وہ اُس گڑھے کے کنارے پر بیٹھے ہوئے تھے سورة البروج [6]
اور جو کچھ وہ ایمان لانے والوں کے ساتھ کر رہے تھے اُسے دیکھ رہے تھے سورة البروج [7]
اور اُن اہل ایمان سے اُن کی دشمنی اِس کے سوا کسی وجہ سے نہ تھی کہ وہ اُس خدا پر ایمان لے آئے تھے جو زبردست اور اپنی ذات میں آپ محمود ہے سورة البروج [8]
جو آسمانوں اور زمین کی سلطنت کا مالک ہے، اور وہ خدا سب کچھ دیکھ رہا ہے سورة البروج [9]
جن لوگوں نے مومن مردوں اور عورتوں پر ظلم و ستم توڑا اور پھر اس سے تائب نہ ہوئے، یقیناً اُن کے لیے جہنم کا عذاب ہے اور ان کے لیے جلائے جانے کی سزا ہے سورة البروج [10]
جو لوگ ایمان لائے اور جنہوں نے نیک عمل کیے، یقیناً اُن کے لیے جنت کے باغ ہیں جن کے نیچے نہریں بہتی ہوں گی، یہ ہے بڑی کامیابی سورة البروج [11]
درحقیقت تمہارے رب کی پکڑ بڑی سخت ہے سورة البروج [12]
وہی پہلی بار پیدا کرتا ہے اور وہی دوبارہ پیدا کرے گا سورة البروج [13]
اور وہ بخشنے والا ہے، محبت کرنے والا ہے سورة البروج [14]
عرش کا مالک ہے، بزرگ و برتر ہے سورة البروج [15]
اور جو کچھ چاہے کر ڈالنے والا ہے سورة البروج [16]
کیا تمہیں لشکروں کی خبر پہنچی ہے؟ سورة البروج [17]
فرعون اور ثمود (کے لشکروں) کی؟ سورة البروج [18]
مگر جنہوں نے کفر کیا ہے وہ جھٹلانے میں لگے ہوئے ہیں سورة البروج [19]
حالانکہ اللہ نے ان کو گھیرے میں لے رکھا ہے سورة البروج [20]
(اُن کے جھٹلانے سے اِس قرآن کا کچھ نہیں بگڑتا) بلکہ یہ قرآن بلند پایہ ہے سورة البروج [21]
اُس لوح میں (نقش ہے) جو محفوظ ہے سورة البروج [22]