ترجمہ قرآن » سورة الإنشقاق - الانشقاق
سورة الإنشقاق [0]
جب آسمان پھٹ جائے گا سورة الإنشقاق [1]
اور اپنے رب کے فرمان کی تعمیل کرے گا اور اُس کے لیے حق یہی ہے (کہ اپنے رب کا حکم مانے) سورة الإنشقاق [2]
اور جب زمین پھیلا دی جائے گی سورة الإنشقاق [3]
اور جو کچھ اس کے اندر ہے اُسے باہر پھینک کر خالی ہو جائے گی سورة الإنشقاق [4]
اور اپنے رب کے حکم کی تعمیل کرے گی اور اُس کے لیے حق یہی ہے (کہ اس کی تعمیل کرے) سورة الإنشقاق [5]
اے انسان، تو کشاں کشاں اپنے رب کی طرف چلا جا رہا ہے، اور اُس سے ملنے والا ہے سورة الإنشقاق [6]
پھر جس کا نامہ اعمال اُس کے سیدھے ہاتھ میں دیا گیا سورة الإنشقاق [7]
اُس سے ہلکا حساب لیا جائے گا سورة الإنشقاق [8]
اور وہ اپنے لوگوں کی طرف خوش خوش پلٹے گا سورة الإنشقاق [9]
رہا وہ شخص جس کا نامہ اعمال اُس کی پیٹھ کے پیچھے دیا جائے گا سورة الإنشقاق [10]
تو وہ موت کو پکارے گا سورة الإنشقاق [11]
اور بھڑکتی ہوئی آگ میں جا پڑے گا سورة الإنشقاق [12]
وہ اپنے گھر والوں میں مگن تھا سورة الإنشقاق [13]
اُس نے سمجھا تھا کہ اسے کبھی پلٹنا نہیں ہے سورة الإنشقاق [14]
پلٹنا کیسے نہ تھا، اُس کا رب اُس کے کرتوت دیکھ رہا تھا سورة الإنشقاق [15]
پس نہیں، میں قسم کھاتا ہوں شفق کی سورة الإنشقاق [16]
اور رات کی اور جو کچھ وہ سمیٹ لیتی ہے سورة الإنشقاق [17]
اور چاند کی جب کہ وہ ماہ کامل ہو جاتا ہے سورة الإنشقاق [18]
تم کو ضرور درجہ بدرجہ ایک حالت سے دوسری حالت کی طرف گزرتے چلے جانا ہے سورة الإنشقاق [19]
پھر اِن لوگوں کو کیا ہو گیا ہے کہ یہ ایمان نہیں لاتے سورة الإنشقاق [20]
اور جب قرآن اِن کے سامنے پڑھا جاتا ہے تو سجدہ نہیں کرتے؟ سورة الإنشقاق [21]
بلکہ یہ منکرین تو الٹا جھٹلاتے ہیں سورة الإنشقاق [22]
حالانکہ جو کچھ یہ (اپنے نامہ اعمال میں) جمع کر رہے ہیں اللہ اُسے خوب جانتا ہے سورة الإنشقاق [23]
لہٰذا اِن کو دردناک عذاب کی بشارت دے دو سورة الإنشقاق [24]
البتہ جو لوگ ایمان لے آئے ہیں اور جنہوں نے نیک عمل کیے ہیں ان کے لیے کبھی ختم نہ ہونے والا اجر ہے سورة الإنشقاق [25]