ترجمہ قرآن » سورة الإنفطار - الانفطار
سورة الإنفطار [0]
جب آسمان پھٹ جائے گا سورة الإنفطار [1]
اور جب تارے بکھر جائیں گے سورة الإنفطار [2]
اور جب سمندر پھاڑ دیے جائیں گے سورة الإنفطار [3]
اور جب قبریں کھول دی جائیں گی سورة الإنفطار [4]
اُس وقت ہر شخص کو اُس کا اگلا پچھلا سب کیا دھرا معلوم ہو جائے گا سورة الإنفطار [5]
اے انسان، کس چیز نے تجھے اپنے اُس رب کریم کی طرف سے دھوکے میں ڈال دیا سورة الإنفطار [6]
جس نے تجھے پیدا کیا، تجھے نک سک سے درست کیا، تجھے متناسب بنایا سورة الإنفطار [7]
اور جس صورت میں چاہا تجھ کو جوڑ کر تیار کیا؟ سورة الإنفطار [8]
ہرگز نہیں، بلکہ (اصل بات یہ ہے کہ) تم لوگ جزا و سزا کو جھٹلاتے ہو سورة الإنفطار [9]
حالانکہ تم پر نگراں مقرر ہیں سورة الإنفطار [10]
ایسے معزز کاتب سورة الإنفطار [11]
جو تمہارے ہر فعل کو جانتے ہیں سورة الإنفطار [12]
یقیناً نیک لوگ مزے میں ہوں گے سورة الإنفطار [13]
اور بے شک بدکار لوگ جہنم میں جائیں گے سورة الإنفطار [14]
جزا کے دن وہ اس میں داخل ہوں گے سورة الإنفطار [15]
اور اُس سے ہرگز غائب نہ ہو سکیں گے سورة الإنفطار [16]
اور تم کیا جانتے ہو کہ وہ جزا کا دن کیا ہے؟ سورة الإنفطار [17]
ہاں، تمہیں کیا خبر کہ وہ جزا کا دن کیا ہے؟ سورة الإنفطار [18]
یہ وہ دن ہے جب کسی شخص کے لیے کچھ کرنا کسی کے بس میں نہ ہوگا، فیصلہ اُس دن بالکل اللہ کے اختیار میں ہوگا سورة الإنفطار [19]