ترجمہ قرآن » سورة التكوير - التكوير
سورة التكوير [0]
جب سورج لپیٹ دیا جائے گا سورة التكوير [1]
اور جب تارے بکھر جائیں گے سورة التكوير [2]
اور جب پہاڑ چلائے جائیں گے سورة التكوير [3]
اور جب دس مہینے کی حاملہ اونٹنیاں اپنے حال پر چھوڑ دی جائیں گی سورة التكوير [4]
اور جب جنگلی جانور سمیٹ کر اکٹھے کر دیے جائیں گے سورة التكوير [5]
اور جب سمندر بھڑکا دیے جائیں گے سورة التكوير [6]
اور جب جانیں (جسموں سے) جوڑ دی جائیں گی سورة التكوير [7]
اور جب زندہ گاڑی ہوئی لڑکی سے پوچھا جائے گا سورة التكوير [8]
کہ وہ کس قصور میں ماری گئی؟ سورة التكوير [9]
اور جب اعمال نامے کھولے جائیں گے سورة التكوير [10]
اور جب آسمان کا پردہ ہٹا دیا جائے گا سورة التكوير [11]
اور جب جہنم دہکائی جائے گی سورة التكوير [12]
اور جب جنت قریب لے آئی جائے گی سورة التكوير [13]
اُس وقت ہر شخص کو معلوم ہو جائے گا کہ وہ کیا لے کر آیا ہے سورة التكوير [14]
پس نہیں، میں قسم کھاتا ہوں سورة التكوير [15]
پلٹنے اور چھپ جانے والے تاروں کی سورة التكوير [16]
اور رات کی جبکہ وہ رخصت ہوئی سورة التكوير [17]
اور صبح کی جبکہ اس نے سانس لیا سورة التكوير [18]
یہ فی الواقع ایک بزرگ پیغام بر کا قول ہے سورة التكوير [19]
جو بڑی توانائی رکھتا ہے، عرش والے کے ہاں بلند مرتبہ ہے سورة التكوير [20]
وہاں اُس کا حکم مانا جاتا ہے، وہ با اعتماد ہے سورة التكوير [21]
اور (اے اہل مکہ) تمہارا رفیق مجنون نہیں ہے سورة التكوير [22]
اُس نے اُس پیغام بر کو روشن افق پر دیکھا ہے سورة التكوير [23]
اور وہ غیب (کے اِس علم کو لوگوں تک پہنچانے) کے معاملے میں بخیل نہیں ہے سورة التكوير [24]
اور یہ کسی شیطان مردود کا قول نہیں ہے سورة التكوير [25]
پھر تم لوگ کدھر چلے جا رہے ہو؟ سورة التكوير [26]
یہ تو سارے جہان والوں کے لیے ایک نصیحت ہے سورة التكوير [27]
تم میں سے ہر اُس شخص کے لیے جو راہ راست پر چلنا چاہتا ہو سورة التكوير [28]
اور تمہارے چاہنے سے کچھ نہیں ہوتا جب تک اللہ رب العالمین نہ چاہے سورة التكوير [29]