ترجمہ قرآن » سورة عبس - عبس
سورة عبس [0]
ترش رو ہوا، اور بے رخی برتی سورة عبس [1]
اِس بات پر کہ وہ اندھا اُس کے پاس آ گیا سورة عبس [2]
تمہیں کیا خبر، شاید وہ سدھر جائے سورة عبس [3]
یا نصیحت پر دھیان دے، اور نصیحت کرنا اس کے لیے نافع ہو؟ سورة عبس [4]
جو شخص بے پروائی برتتا ہے سورة عبس [5]
اس کی طرف تو تم توجہ کرتے ہو سورة عبس [6]
حالانکہ اگر وہ نہ سدھرے تو تم پر اس کی کیا ذمہ داری ہے؟ سورة عبس [7]
اور جو خود تمہارے پاس دوڑا آتا ہے سورة عبس [8]
اور وہ ڈر رہا ہوتا ہے سورة عبس [9]
اس سے تم بے رخی برتتے ہو سورة عبس [10]
ہرگز نہیں، یہ تو ایک نصیحت ہے سورة عبس [11]
جس کا جی چاہے اِسے قبول کرے سورة عبس [12]
یہ ایسے صحیفوں میں درج ہے جو مکرم ہیں سورة عبس [13]
بلند مرتبہ ہیں، پاکیزہ ہیں سورة عبس [14]
معزز اور نیک کاتبوں کے سورة عبس [15]
ہاتھوں میں رہتے ہیں سورة عبس [16]
لعنت ہو انسان پر، کیسا سخت منکر حق ہے یہ سورة عبس [17]
کس چیز سے اللہ نے اِسے پیدا کیا ہے؟ سورة عبس [18]
نطفہ کی ایک بوند سے اللہ نے اِسے پیدا کیا، پھر اِس کی تقدیر مقرر کی سورة عبس [19]
پھر اِس کے لیے زندگی کی راہ آسان کی سورة عبس [20]
پھر اِسے موت دی اور قبر میں پہنچایا سورة عبس [21]
پھر جب چاہے وہ اِسے دوبارہ اٹھا کھڑا کرے سورة عبس [22]
ہرگز نہیں، اِس نے وہ فرض ادا نہیں کیا جس کا اللہ نے اِسے حکم دیا تھا سورة عبس [23]
پھر ذرا انسان اپنی خوراک کو دیکھے سورة عبس [24]
ہم نے خوب پانی لنڈھایا سورة عبس [25]
پھر زمین کو عجیب طرح پھاڑا سورة عبس [26]
پھر اُس کے اندر اگائے غلے سورة عبس [27]
اور انگور اور ترکاریاں سورة عبس [28]
اور زیتون اور کھجوریں سورة عبس [29]
اور گھنے باغ سورة عبس [30]
اور طرح طرح کے پھل، اور چارے سورة عبس [31]
تمہارے لیے اور تمہارے مویشیوں کے لیے سامان زیست کے طور پر سورة عبس [32]
آخرکار جب وہ کان بہرے کر دینے والی آواز بلند ہوگی سورة عبس [33]
اُس روز آدمی اپنے بھائی سورة عبس [34]
اور اپنی ماں اور اپنے باپ سورة عبس [35]
اور اپنی بیوی اور اپنی اولاد سے بھاگے گا سورة عبس [36]
ان میں سے ہر شخص پر اس دن ایسا وقت آ پڑے گا کہ اسے اپنے سوا کسی کا ہوش نہ ہوگا سورة عبس [37]
کچھ چہرے اُس روز دمک رہے ہوں گے سورة عبس [38]
ہشاش بشاش اور خوش و خرم ہوں گے سورة عبس [39]
اور کچھ چہروں پر اس روز خاک اڑ رہی ہوگی سورة عبس [40]
اور کلونس چھائی ہوئی ہوگی سورة عبس [41]
یہی کافر و فاجر لوگ ہوں گے سورة عبس [42]