ترجمہ قرآن » سورة النازعات - النازعات
سورة النازعات [0]
قسم ہے اُن (فرشتوں کی) جو ڈوب کر کھینچتے ہیں سورة النازعات [1]
اور آہستگی سے نکال لے جاتے ہیں سورة النازعات [2]
اور (اُن فرشتوں کی جو کائنات میں) تیزی سے تیرتے پھرتے ہیں سورة النازعات [3]
پھر (حکم بجا لانے میں) سبقت کرتے ہیں سورة النازعات [4]
پھر (احکام الٰہی کے مطابق) معاملات کا انتظام چلاتے ہیں سورة النازعات [5]
جس روز ہلا مارے گا زلزلے کا جھٹکا سورة النازعات [6]
اور اس کے پیچھے ایک اور جھٹکا پڑے گا سورة النازعات [7]
کچھ دل ہوں گے جو اُس روز خوف سے کانپ رہے ہوں گے سورة النازعات [8]
نگاہیں اُن کی سہمی ہوئی ہوں گی سورة النازعات [9]
یہ لوگ کہتے ہیں ’’کیا واقعی ہم پلٹا کر پھر واپس لائے جائیں گے؟ سورة النازعات [10]
کیا جب ہم کھوکھلی بوسیدہ ہڈیاں بن چکے ہوں گے؟‘‘ سورة النازعات [11]
کہنے لگے ’’یہ واپسی تو پھر بڑے گھاٹے کی ہوگی!‘‘ سورة النازعات [12]
حالانکہ یہ بس اتنا کام ہے کہ ایک زور کی ڈانٹ پڑے گی سورة النازعات [13]
اور یکایک یہ کھلے میدان میں موجود ہوں گے سورة النازعات [14]
کیا تمہیں موسیٰؑ کے قصے کی خبر پہنچی ہے؟ سورة النازعات [15]
جب اس کے رب نے اُسے طویٰ کی مقدس وادی میں پکارا تھا سورة النازعات [16]
کہ’’فرعون کے پاس جا، وہ سرکش ہو گیا ہے سورة النازعات [17]
اور اس سے کہہ کیا تو اِس کے لیے تیار ہے کہ پاکیزگی اختیار کرے سورة النازعات [18]
اور میں تیرے رب کی طرف تیری رہنمائی کروں تو (اُس کا) خوف تیرے اندر پیدا ہو؟‘‘ سورة النازعات [19]
پھر موسیٰؑ نے (فرعون کے پاس جا کر) اُس کو بڑی نشانی دکھائی سورة النازعات [20]
مگر اُس نے جھٹلا دیا اور نہ مانا سورة النازعات [21]
پھر چالبازیاں کرنے کے لیے پلٹا سورة النازعات [22]
اور لوگوں کو جمع کر کے اس نے پکار کر کہا سورة النازعات [23]
’’میں تمہارا سب سے بڑا رب ہوں‘‘ سورة النازعات [24]
آخرکار اللہ نے اسے آخرت اور دنیا کے عذاب میں پکڑ لیا سورة النازعات [25]
درحقیقت اِس میں بڑی عبرت ہے ہر اُس شخص کے لیے جو ڈرے سورة النازعات [26]
کیا تم لوگوں کی تخلیق زیادہ سخت کام ہے یا آسمان کی؟ اللہ نے اُس کو بنایا سورة النازعات [27]
اُس کی چھت خوب اونچی اٹھائی پھر اُس کا توازن قائم کیا سورة النازعات [28]
اور اُس کی رات ڈھانکی اور اُس کا دن نکالا سورة النازعات [29]
اِس کے بعد زمین کو اس نے بچھایا سورة النازعات [30]
اُس کے اندر سے اُس کا پانی اور چارہ نکالا سورة النازعات [31]
اور پہاڑ اس میں گاڑ دیے سورة النازعات [32]
سامان زیست کے طور پر تمہارے لیے اور تمہارے مویشیوں کے لیے سورة النازعات [33]
پھر جب وہ ہنگامہ عظیم برپا ہوگا سورة النازعات [34]
جس روز انسان اپنا سب کیا دھرا یاد کرے گا سورة النازعات [35]
اور ہر دیکھنے والے کے سامنے دوزخ کھول کر رکھ دی جائے گی سورة النازعات [36]
تو جس نے سرکشی کی تھی سورة النازعات [37]
اور دنیا کی زندگی کو ترجیح دی تھی سورة النازعات [38]
دوزخ ہی اس کا ٹھکانا ہوگی سورة النازعات [39]
اور جس نے اپنے رب کے سامنے کھڑے ہونے کا خوف کیا تھا اور نفس کو بری خواہشات سے باز رکھا تھا سورة النازعات [40]
جنت اس کا ٹھکانا ہوگی سورة النازعات [41]
یہ لوگ تم سے پوچھتے ہیں کہ ’’آخر وہ گھڑی کب آ کر ٹھیرے گی؟‘‘ سورة النازعات [42]
تمہارا کیا کام کہ اس کا وقت بتاؤ سورة النازعات [43]
اس کا علم تو اللہ پر ختم ہے سورة النازعات [44]
تم صرف خبردار کرنے والے ہو ہر اُس شخص کو جو اُس کا خوف کرے سورة النازعات [45]
جس روز یہ لوگ اسے دیکھ لیں گے تو انہیں یوں محسوس ہوگا کہ (یہ دنیا میں یا حالت موت میں) بس ایک دن کے پچھلے پہر یا اگلے پہر تک ٹھیرے ہیں سورة النازعات [46]