ترجمہ قرآن » سورة النبإ - النبأ
سورة النبإ [0]
یہ لوگ کس چیز کے بارے میں پوچھ گچھ کر رہے ہیں؟ سورة النبإ [1]
کیا اُس بڑی خبر کے بارے میں سورة النبإ [2]
جس کے متعلق یہ مختلف چہ میگوئیاں کرنے میں لگے ہوئے ہیں؟ سورة النبإ [3]
ہرگز نہیں، عنقریب اِنہیں معلوم ہو جائے گا سورة النبإ [4]
ہاں، ہرگز نہیں، عنقریب اِنہیں معلوم ہو جائے گا سورة النبإ [5]
کیا یہ واقعہ نہیں ہے کہ ہم نے زمین کو فرش بنایا سورة النبإ [6]
اور پہاڑوں کو میخوں کی طرح گاڑ دیا سورة النبإ [7]
اور تمہیں (مَردوں اور عورتوں کے) جوڑوں کی شکل میں پیدا کیا سورة النبإ [8]
اور تمہاری نیند کو باعث سکون بنایا سورة النبإ [9]
اور رات کو پردہ پوش سورة النبإ [10]
اور دن کو معاش کا وقت بنایا سورة النبإ [11]
اور تمہارے اوپر سات مضبوط آسمان قائم کیے سورة النبإ [12]
اور ایک نہایت روشن اور گرم چراغ پیدا کیا سورة النبإ [13]
اور بادلوں سے لگاتار بارش برسائی سورة النبإ [14]
تاکہ اس کے ذریعہ سے غلہ اور سبزی سورة النبإ [15]
اور گھنے باغ اگائیں؟ سورة النبإ [16]
بے شک فیصلے کا دن ایک مقرر وقت ہے سورة النبإ [17]
جس روز صور میں پھونک مار دی جائے گی، تم فوج در فوج نکل آؤ گے سورة النبإ [18]
اور آسمان کھول دیا جائے گا حتیٰ کہ وہ دروازے ہی دروازے بن کر رہ جائے گا سورة النبإ [19]
اور پہاڑ چلائے جائیں گے یہاں تک کہ وہ سراب ہو جائیں گے سورة النبإ [20]
درحقیقت جہنم ایک گھات ہے سورة النبإ [21]
سرکشوں کا ٹھکانا سورة النبإ [22]
جس میں وہ مدتوں پڑے رہیں گے سورة النبإ [23]
اُس کے اندر کسی ٹھنڈک اور پینے کے قابل کسی چیز کا مزہ وہ نہ چکھیں گے سورة النبإ [24]
کچھ ملے گا تو بس گرم پانی اور زخموں کا دھوون سورة النبإ [25]
(اُن کے کرتوتوں) کا بھرپور بدلہ سورة النبإ [26]
وہ کسی حساب کی توقع نہ رکھتے تھے سورة النبإ [27]
اور ہماری آیات کو انہوں نے بالکل جھٹلا دیا تھا سورة النبإ [28]
اور حال یہ تھا کہ ہم نے ہر چیز گن گن کر لکھ رکھی تھی سورة النبإ [29]
اب چکھو مزہ، ہم تمہارے لیے عذاب کے سوا کسی چیز میں ہرگز اضافہ نہ کریں گے سورة النبإ [30]
یقیناً متقیوں کے لیے کامرانی کا ایک مقام ہے سورة النبإ [31]
باغ اور انگور سورة النبإ [32]
اور نوخیر ہم سن لڑکیاں سورة النبإ [33]
اور چھلکتے ہوئے جام سورة النبإ [34]
وہاں کوئی لغو اور جھوٹی بات وہ نہ سنیں گے سورة النبإ [35]
جزا اور کافی انعام تمہارے رب کی طرف سے سورة النبإ [36]
اُس نہایت مہربان خدا کی طرف سے جو زمین اور آسمانوں کا اور ان کے درمیان کی ہر چیز کا مالک ہے جس کے سامنے کسی کو بولنے کا یارا نہیں سورة النبإ [37]
جس روز روح اور ملائکہ صف بستہ کھڑے ہوں گے، کوئی نہ بولے گا سوائے اُس کے جسے رحمٰن اجازت دے اور جو ٹھیک بات کہے سورة النبإ [38]
وہ دن برحق ہے، اب جس کا جی چاہے اپنے رب کی طرف پلٹنے کا راستہ اختیار کر لے سورة النبإ [39]
ہم نے تم لوگوں کو اُس عذاب سے ڈرا دیا ہے جو قریب آ لگا ہے جس روز آدمی وہ سب کچھ دیکھ لے گا جو اس کے ہاتھوں نے آگے بھیجا ہے، اور کافر پکار اٹھے گا کہ کاش میں خاک ہوتا سورة النبإ [40]