ترجمہ قرآن » سورة المرسلات - المرسلات
سورة المرسلات [0]
قسم ہے اُن (ہواؤں) کی جو پے در پے بھیجی جاتی ہیں سورة المرسلات [1]
پھر طوفانی رفتار سے چلتی ہیں سورة المرسلات [2]
اور (بادلوں کو) اٹھا کر پھیلاتی ہیں سورة المرسلات [3]
پھر (اُن کو) پھاڑ کر جدا کرتی ہیں سورة المرسلات [4]
پھر (دلوں میں خدا کی) یاد ڈالتی ہیں سورة المرسلات [5]
عذر کے طور پر یا ڈراوے کے طور پر سورة المرسلات [6]
جس چیز کا تم سے وعدہ کیا جا رہا ہے وہ ضرور واقع ہونے والی ہے سورة المرسلات [7]
پھر جب ستارے ماند پڑ جائیں گے سورة المرسلات [8]
اور آسمان پھاڑ دیا جائے گا سورة المرسلات [9]
اور پہاڑ دھنک ڈالے جائیں گے سورة المرسلات [10]
اور رسولوں کی حاضری کا وقت آ پہنچے گا (اس روز وہ چیز واقع ہو جائے گی) سورة المرسلات [11]
کس روز کے لیے یہ کام اٹھا رکھا گیا ہے؟ سورة المرسلات [12]
فیصلے کے روز کے لیے سورة المرسلات [13]
اور تمہیں کیا خبر کہ وہ فیصلے کا دن کیا ہے؟ سورة المرسلات [14]
تباہی ہے اُس دن جھٹلانے والوں کے لیے سورة المرسلات [15]
کیا ہم نے اگلوں کو ہلاک نہیں کیا؟ سورة المرسلات [16]
پھر اُنہی کے پیچھے ہم بعد والوں کو چلتا کریں گے سورة المرسلات [17]
مجرموں کے ساتھ ہم یہی کچھ کیا کرتے ہیں سورة المرسلات [18]
تباہی ہے اُس دن جھٹلانے والوں کے لیے سورة المرسلات [19]
کیا ہم نے ایک حقیر پانی سے تمہیں پیدا نہیں کیا سورة المرسلات [20]
اور ایک مقررہ مدت تک، سورة المرسلات [21]
اُسے ایک محفوظ جگہ ٹھیرائے رکھا؟ سورة المرسلات [22]
تو دیکھو، ہم اِس پر قادر تھے، پس ہم بہت اچھی قدرت رکھنے والے ہیں سورة المرسلات [23]
تباہی ہے اُس روز جھٹلانے والوں کے لیے سورة المرسلات [24]
کیا ہم نے زمین کو سمیٹ کر رکھنے والی نہیں بنایا سورة المرسلات [25]
زندوں کے لیے بھی اور مُردوں کے لیے بھی سورة المرسلات [26]
اور اس میں بلند و بالا پہاڑ جمائے، اور تمہیں میٹھا پانی پلایا؟ سورة المرسلات [27]
تباہی ہے اُس روز جھٹلانے والوں کے لیے سورة المرسلات [28]
چلو اب اُسی چیز کی طرف جسے تم جھٹلایا کرتے تھے سورة المرسلات [29]
چلو اُس سائے کی طرف جو تین شاخوں والا ہے سورة المرسلات [30]
نہ ٹھنڈک پہنچانے والا اور نہ آگ کی لپٹ سے بچانے والا سورة المرسلات [31]
وہ آگ محل جیسی بڑی بڑی چنگاریاں پھینکے گی سورة المرسلات [32]
(جو اچھلتی ہوئی یوں محسوس ہوں گی) گویا کہ وہ زرد اونٹ ہیں سورة المرسلات [33]
تباہی ہے اُس روز جھٹلانے والوں کے لیے سورة المرسلات [34]
یہ وہ دن ہے جس میں وہ نہ کچھ بولیں گے سورة المرسلات [35]
اور نہ اُنہیں موقع دیا جائے گا کہ کوئی عذر پیش کریں سورة المرسلات [36]
تباہی ہے اُس دن جھٹلانے والوں کے لیے سورة المرسلات [37]
یہ فیصلے کا دن ہے ہم نے تمہیں اور تم سے پہلے گزرے ہوئے لوگوں کو جمع کر دیا ہے سورة المرسلات [38]
اب اگر کوئی چال تم چل سکتے ہو تو میرے مقابلہ میں چل دیکھو سورة المرسلات [39]
تباہی ہے اُس دن جھٹلانے والوں کے لیے سورة المرسلات [40]
متقی لوگ آج سایوں اور چشموں میں ہیں سورة المرسلات [41]
اور جو پھل وہ چاہیں (اُن کے لیے حاضر ہیں) سورة المرسلات [42]
کھاؤ اور پیو مزے سے اپنے اُن اعمال کے صلے میں جو تم کرتے رہے ہو سورة المرسلات [43]
ہم نیک لوگوں کو ایسی ہی جزا دیتے ہیں سورة المرسلات [44]
تباہی ہے اُس روز جھٹلانے والوں کے لیے سورة المرسلات [45]
کھا لو اور مزے کر لو تھوڑے دن حقیقت میں تم لوگ مجرم ہو سورة المرسلات [46]
تباہی ہے اُس روز جھٹلانے والوں کے لیے سورة المرسلات [47]
جب اِن سے کہا جاتا ہے کہ (اللہ کے آگے) جھکو تو نہیں جھکتے سورة المرسلات [48]
تباہی ہے اُس روز جھٹلانے والوں کے لیے سورة المرسلات [49]
اب اِس (قرآن) کے بعد اور کونسا کلام ایسا ہو سکتا ہے جس پر یہ ایمان لائیں؟ سورة المرسلات [50]