ترجمہ قرآن » سورة القيامة - القيامة
سورة القيامة [0]
نہیں، میں قسم کھاتا ہوں قیامت کے دن کی سورة القيامة [1]
اور نہیں، میں قسم کھاتا ہوں ملامت کرنے والے نفس کی سورة القيامة [2]
کیا انسان یہ سمجھ رہا ہے کہ ہم اُس کی ہڈیوں کو جمع نہ کر سکیں گے؟ سورة القيامة [3]
کیوں نہیں؟ ہم تو اس کی انگلیوں کی پور پور تک ٹھیک بنا دینے پر قادر ہیں سورة القيامة [4]
مگر انسان چاہتا یہ ہے کہ آگے بھی بد اعمالیاں کرتا رہے سورة القيامة [5]
پوچھتا ہے ’’آخر کب آنا ہے وہ قیامت کا دن؟‘‘ سورة القيامة [6]
پھر جب دیدے پتھرا جائیں گے سورة القيامة [7]
اور چاند بے نور ہو جائے گا سورة القيامة [8]
اور چاند سورج ملا کر ایک کر دیے جائیں گے سورة القيامة [9]
اُس وقت یہی انسان کہے گا ’’کہاں بھاگ کر جاؤں؟‘‘ سورة القيامة [10]
ہرگز نہیں، وہاں کوئی جائے پناہ نہ ہوگی سورة القيامة [11]
اُس روز تیرے رب ہی کے سامنے جا کر ٹھیرنا ہوگا سورة القيامة [12]
اُس روز انسان کو اس کا سب اگلا پچھلا کیا کرایا بتا دیا جائے گا سورة القيامة [13]
بلکہ انسان خود ہی اپنے آپ کو خوب جانتا ہے سورة القيامة [14]
چاہے وہ کتنی ہی معذرتیں پیش کرے سورة القيامة [15]
اے نبیؐ، اِس وحی کو جلدی جلدی یاد کرنے کے لیے اپنی زبان کو حرکت نہ دو سورة القيامة [16]
اِس کو یاد کرا دینا اور پڑھوا دینا ہمارے ذمہ ہے سورة القيامة [17]
لہٰذا جب ہم اِسے پڑھ رہے ہوں اُس وقت تم اِس کی قرات کو غور سے سنتے رہو سورة القيامة [18]
پھر اس کا مطلب سمجھا دینا بھی ہمارے ہی ذمہ ہے سورة القيامة [19]
ہرگز نہیں، اصل بات یہ ہے کہ تم لوگ جلدی حاصل ہونے والی چیز (یعنی دنیا) سے محبت رکھتے ہو سورة القيامة [20]
اور آخرت کو چھوڑ دیتے ہو سورة القيامة [21]
اُس روز کچھ چہرے تر و تازہ ہوں گے سورة القيامة [22]
اپنے رب کی طرف دیکھ رہے ہوں گے سورة القيامة [23]
اور کچھ چہرے اداس ہوں گے سورة القيامة [24]
اور سمجھ رہے ہوں گے کہ اُن کے ساتھ کمر توڑ برتاؤ ہونے والا ہے سورة القيامة [25]
ہرگز نہیں، جب جان حلق تک پہنچ جائے گی سورة القيامة [26]
اور کہا جائے گا کہ ہے کوئی جھاڑ پھونک کرنے والا سورة القيامة [27]
اور آدمی سمجھ لے گا کہ یہ دنیا سے جدائی کا وقت ہے سورة القيامة [28]
اور پنڈلی سے پنڈلی جڑ جائے گی سورة القيامة [29]
وہ دن ہوگا تیرے رب کی طرف روانگی کا سورة القيامة [30]
مگر اُس نے نہ سچ مانا، اور نہ نماز پڑھی سورة القيامة [31]
بلکہ جھٹلایا اور پلٹ گیا سورة القيامة [32]
پھر اکڑتا ہوا اپنے گھر والوں کی طرف چل دیا سورة القيامة [33]
یہ روش تیرے ہی لیے سزاوار ہے اور تجھی کو زیب دیتی ہے سورة القيامة [34]
ہاں یہ روش تیرے ہی لیے سزاوار ہے اور تجھی کو زیب دیتی ہے سورة القيامة [35]
کیا انسان نے یہ سمجھ رکھا ہے کہ وہ یونہی مہمل چھوڑ دیا جائے گا؟ سورة القيامة [36]
کیا وہ ایک حقیر پانی کا نطفہ نہ تھا جو (رحم مادر میں) ٹپکایا جاتا ہے؟ سورة القيامة [37]
پھر وہ ایک لوتھڑا بنا، پھر اللہ نے اس کا جسم بنایا اور اس کے اعضا درست کیے سورة القيامة [38]
پھر اس سے مرد اور عورت کی دو قسمیں بنائیں سورة القيامة [39]
کیا وہ اِس پر قادر نہیں ہے کہ مرنے والوں کو پھر زندہ کر دے؟ سورة القيامة [40]