ترجمہ قرآن » سورة المدثر - المدثر
سورة المدثر [0]
اے اوڑھ لپیٹ کر لیٹنے والے سورة المدثر [1]
اٹھو اور خبردار کرو سورة المدثر [2]
اور اپنے رب کی بڑائی کا اعلان کرو سورة المدثر [3]
اور اپنے کپڑے پاک رکھو سورة المدثر [4]
اور گندگی سے دور رہو سورة المدثر [5]
اور احسان نہ کرو زیادہ حاصل کرنے کے لیے سورة المدثر [6]
اور اپنے رب کی خاطر صبر کرو سورة المدثر [7]
اچھا، جب صور میں پھونک ماری جائے گی سورة المدثر [8]
وہ دن بڑا ہی سخت دن ہوگا سورة المدثر [9]
کافروں کے لیے ہلکا نہ ہوگا سورة المدثر [10]
چھوڑ دو مجھے اور اُس شخص کو جسے میں نے اکیلا پیدا کیا ہے سورة المدثر [11]
بہت سا مال اُس کو دیا سورة المدثر [12]
اس کے ساتھ حاضر رہنے والے بیٹے دیے سورة المدثر [13]
اور اس کے لیے ریاست کی راہ ہموار کی سورة المدثر [14]
پھر وہ طمع رکھتا ہے کہ میں اسے اور زیادہ دوں سورة المدثر [15]
ہرگز نہیں، وہ ہماری آیات سے عناد رکھتا ہے سورة المدثر [16]
میں تو اسے عنقریب ایک کٹھن چڑھائی چڑھواؤں گا سورة المدثر [17]
اس نے سوچا اور کچھ بات بنانے کی کوشش کی سورة المدثر [18]
تو خدا کی مار اس پر، کیسی بات بنانے کی کوشش کی سورة المدثر [19]
ہاں، خدا کی مار اُس پر، کیسی بات بنانے کی کوشش کی سورة المدثر [20]
پھر (لوگوں کی طرف) دیکھا سورة المدثر [21]
پھر پیشانی سیکڑی اور منہ بنایا سورة المدثر [22]
پھر پلٹا اور تکبر میں پڑ گیا سورة المدثر [23]
آخرکار بولا کہ یہ کچھ نہیں ہے مگر ایک جادو جو پہلے سے چلا آ رہا ہے سورة المدثر [24]
یہ تو یہ ایک انسانی کلام ہے سورة المدثر [25]
عنقریب میں اسے دوزخ میں جھونک دوں گا سورة المدثر [26]
اور تم کیا جانو کہ کیا ہے وہ دوزخ؟ سورة المدثر [27]
نہ باقی رکھے نہ چھوڑے سورة المدثر [28]
کھال جھلس دینے والی سورة المدثر [29]
انیس کارکن اُس پر مقرر ہیں سورة المدثر [30]
ہم نے دوزخ کے یہ کارکن فرشتے بنائے ہیں، اور ان کی تعداد کو کافروں کے لیے فتنہ بنا دیا ہے، تاکہ اہل کتاب کو یقین آ جائے اور ایمان لانے والوں کا ایمان بڑھے، اور اہل کتاب اور مومنین کسی شک میں نہ رہیں، اور دل کے بیمار اور کفار یہ کہیں کہ بھلا اللہ کا اِس عجیب بات سے کیا مطلب ہو سکتا ہے اِس طرح اللہ جسے چاہتا ہے گمراہ کر دیتا ہے اور جسے چاہتا ہے ہدایت بخش دیتا ہے اور تیرے رب کے لشکروں کو خود اُس کے سوا کوئی نہیں جانتا اور اس دوزخ کا ذکر اِس کے سوا کسی غرض کے لیے نہیں کیا گیا ہے کہ لوگوں کو اس سے نصیحت ہو سورة المدثر [31]
ہرگز نہیں، قسم ہے چاند کی سورة المدثر [32]
اور رات کی جبکہ وہ پلٹتی ہے سورة المدثر [33]
اور صبح کی جبکہ وہ روشن ہوتی ہے سورة المدثر [34]
یہ دوزخ بھی بڑی چیزوں میں سے ایک ہے سورة المدثر [35]
انسانوں کے لیے ڈراوا سورة المدثر [36]
تم میں سے ہر اُس شخص کے لیے ڈراوا جو آگے بڑھنا چاہے یا پیچھے رہ جانا چاہے سورة المدثر [37]
ہر متنفس، اپنے کسب کے بدلے رہن ہے سورة المدثر [38]
دائیں بازو والوں کے سوا سورة المدثر [39]
جو جنتوں میں ہوں گے سورة المدثر [40]
وہاں وہ مجرموں سے پوچھیں گے سورة المدثر [41]
’’تمہیں کیا چیز دوزخ میں لے گئی؟‘‘ سورة المدثر [42]
وہ کہیں گے ’’ہم نماز پڑھنے والوں میں سے نہ تھے سورة المدثر [43]
اور مسکین کو کھانا نہیں کھلاتے تھے سورة المدثر [44]
اور حق کے خلاف باتیں بنانے والوں کے ساتھ مل کر ہم بھی باتیں بنانے لگتے تھے سورة المدثر [45]
اور روز جزا کو جھوٹ قرار دیتے تھے سورة المدثر [46]
یہاں تک کہ ہمیں اُس یقینی چیز سے سابقہ پیش آ گیا‘‘ سورة المدثر [47]
اُس وقت سفارش کرنے والوں کی سفارش ان کے کسی کام نہ آئے گی سورة المدثر [48]
آخر اِن لوگوں کو کیا ہو گیا ہے کہ یہ اِس نصیحت سے منہ موڑ رہے ہیں سورة المدثر [49]
گویا یہ جنگلی گدھے ہیں سورة المدثر [50]
جو شیر سے ڈر کر بھاگ پڑے ہیں سورة المدثر [51]
بلکہ اِن میں سے تو ہر ایک یہ چاہتا ہے کہ اُس کے نام کھلے خط بھیجے جائیں سورة المدثر [52]
ہرگز نہیں، اصل بات یہ ہے کہ یہ آخرت کا خوف نہیں رکھتے سورة المدثر [53]
ہرگز نہیں، یہ تو ایک نصیحت ہے سورة المدثر [54]
اب جس کا جی چاہے اس سے سبق حاصل کر لے سورة المدثر [55]
اور یہ کوئی سبق حاصل نہ کریں گے الا یہ کہ اللہ ہی ایسا چاہے وہ اس کا حق دار ہے کہ اُس سے تقویٰ کیا جائے اور وہ اس کا اہل ہے کہ (تقویٰ کرنے والوں کو) بخش دے (56) سورة المدثر [56]