ترجمہ قرآن » سورة المعارج - المعارج
سورة المعارج [0]
مانگنے والے نے عذاب مانگا ہے، (وہ عذاب) جو ضرور واقع ہونے والا ہے سورة المعارج [1]
کافروں کے لیے ہے، کوئی اُسے دفع کرنے والا نہیں سورة المعارج [2]
اُس خدا کی طرف سے ہے جو عروج کے زینوں کا مالک ہے سورة المعارج [3]
ملائکہ اور روح اُس کے حضور چڑھ کر جاتے ہیں ایک ایسے دن میں جس کی مقدار پچاس ہزار سال ہے سورة المعارج [4]
پس اے نبیؐ، صبر کرو، شائستہ صبر سورة المعارج [5]
یہ لوگ اُسے دور سمجھتے ہیں سورة المعارج [6]
اور ہم اسے قریب دیکھ رہے ہیں سورة المعارج [7]
(وہ عذاب اُس روز ہوگا) جس روز آسمان پگھلی ہوئی چاندی کی طرح ہو جائے گا سورة المعارج [8]
اور پہاڑ رنگ برنگ کے دھنکے ہوئے اون جیسے ہو جائیں گے سورة المعارج [9]
اور کوئی جگری دوست اپنے جگری دوست کو نہ پوچھے گا سورة المعارج [10]
حالانکہ وہ ایک دوسرے کو دکھائے جائیں گے مجرم چاہے گا کہ اس دن کے عذاب سے بچنے کے لیے اپنی اولاد کو سورة المعارج [11]
اپنی بیوی کو، اپنے بھائی کو سورة المعارج [12]
اپنے قریب ترین خاندان کو جو اسے پناہ دینے والا تھا سورة المعارج [13]
اور روئے زمین کے سب لوگوں کو فدیہ میں دیدے اور یہ تدبیر اُسے نجات دلا دے سورة المعارج [14]
ہرگز نہیں وہ تو بھڑکتی ہوئی آگ کی لپٹ ہوگی سورة المعارج [15]
جو گوشت پوست کو چاٹ جائے گی سورة المعارج [16]
پکار پکار کر اپنی طرف بلائے گی ہر اُس شخص کو جس نے حق سے منہ موڑا اور پیٹھ پھیری سورة المعارج [17]
اور مال جمع کیا اور سینت سینت کر رکھا سورة المعارج [18]
انسان تھڑدلا پیدا کیا گیا ہے سورة المعارج [19]
جب اس پر مصیبت آتی ہے تو گھبرا اٹھتا ہے سورة المعارج [20]
اور جب اسے خوشحالی نصیب ہوتی ہے تو بخل کرنے لگتا ہے سورة المعارج [21]
مگر وہ لوگ (اِس عیب سے بچے ہوئے ہیں) جو نماز پڑھنے والے ہیں سورة المعارج [22]
جو اپنی نماز کی ہمیشہ پابندی کرتے ہیں سورة المعارج [23]
جن کے مالوں میں، سورة المعارج [24]
سائل اور محروم کا ایک حق مقرر ہے سورة المعارج [25]
جو روز جزا کو برحق مانتے ہیں سورة المعارج [26]
جو اپنے رب کے عذاب سے ڈرتے ہیں سورة المعارج [27]
کیونکہ اُن کے رب کا عذاب ایسی چیز نہیں ہے جس سے کوئی بے خوف ہو سورة المعارج [28]
جو اپنی شرمگاہوں کی حفاظت کرتے ہیں سورة المعارج [29]
بجز اپنی بیویوں یا اپنی مملوکہ عورتوں کے جن سے محفوظ نہ رکھنے میں ان پر کوئی ملامت نہیں سورة المعارج [30]
البتہ جو اس کے علاوہ کچھ اور چاہیں وہی حد سے تجاوز کرنے والے ہیں سورة المعارج [31]
جو اپنی امانتوں کی حفاظت اور اپنے عہد کا پاس کرتے ہیں سورة المعارج [32]
جو اپنی گواہیوں میں راست بازی پر قائم رہتے ہیں سورة المعارج [33]
اور جو اپنی نماز کی حفاظت کرتے ہیں سورة المعارج [34]
یہ لوگ عزت کے ساتھ جنت کے باغوں میں رہیں گے سورة المعارج [35]
پس اے نبیؐ، کیا بات ہے کہ یہ منکرین دائیں اور بائیں سے، سورة المعارج [36]
گروہ در گروہ تمہاری طرف دوڑے چلے آ رہے ہیں؟ سورة المعارج [37]
کیا اِن میں سے ہر ایک یہ لالچ رکھتا ہے کہ وہ نعمت بھری جنت میں داخل کر دیا جائے گا؟ سورة المعارج [38]
ہرگز نہیں ہم نے جس چیز سے اِن کو پیدا کیا ہے اُسے یہ خود جانتے ہیں سورة المعارج [39]
پس نہیں، میں قسم کھاتا ہوں مشرقوں اور مغربوں کے مالک کی، ہم اِس پر قادر ہیں سورة المعارج [40]
کہ اِن کی جگہ اِن سے بہتر لوگ لے آئیں اور کوئی ہم سے بازی لے جانے والا نہیں ہے سورة المعارج [41]
لہٰذا اِنہیں اپنی بیہودہ باتوں اور اپنے کھیل میں پڑا رہنے دو یہاں تک کہ یہ اپنے اُس دن تک پہنچ جائیں جس کا ان سے وعدہ کیا جا رہا ہے سورة المعارج [42]
جب یہ اپنی قبروں سے نکل کر اِس طرح دوڑے جا رہے ہوں گے جیسے اپنے بتوں کے استھانوں کی طرف دوڑ رہے ہوں سورة المعارج [43]
اِن کی نگاہیں جھکی ہوئی ہوں گی، ذلت اِن پر چھا رہی ہوگی وہ دن ہے جس کا اِن سے وعدہ کیا جا رہا ہے سورة المعارج [44]