ترجمہ قرآن » سورة الحاقة - الحاقة
سورة الحاقة [0]
ہونی شدنی! سورة الحاقة [1]
کیا ہے وہ ہونی شدنی؟ سورة الحاقة [2]
اور تم کیا جانو کہ وہ کیا ہے ہونی شدنی؟ سورة الحاقة [3]
ثمود اور عاد نے اُس اچانک ٹوٹ پڑنے والی آفت کو جھٹلایا سورة الحاقة [4]
تو ثمود ایک سخت حادثہ میں ہلاک کیے گئے سورة الحاقة [5]
اور عاد ایک بڑی شدید طوفانی آندھی سے تباہ کر دیے گئے سورة الحاقة [6]
اللہ تعالیٰ نے اُس کو مسلسل سات رات اور آٹھ دن اُن پر مسلط رکھا (تم وہاں ہوتے تو) دیکھتے کہ وہ وہاں اِس طرح پچھڑے پڑے ہیں جیسے وہ کھجور کے بوسیدہ تنے ہوں سورة الحاقة [7]
اب کیا اُن میں سے کوئی تمہیں باقی بچا نظر آتا ہے؟ سورة الحاقة [8]
اور اِسی خطائے عظیم کا ارتکاب فرعون اور اُس سے پہلے کے لوگوں نے اور تل پٹ ہو جانے والی بستیوں نے کیا سورة الحاقة [9]
ان سب نے اپنے رب کے رسول کی بات نہ مانی تو اُس نے اُن کو بڑی سختی کے ساتھ پکڑا سورة الحاقة [10]
جب پانی کا طوفان حد سے گزر گیا تو ہم نے تم کو کشتی میں سوار کر دیا تھا سورة الحاقة [11]
تاکہ اِس واقعہ کو تمہارے لیے ایک سبق آموز یادگار بنا دیں اور یاد رکھنے والے کان اس کی یاد محفوظ رکھیں سورة الحاقة [12]
پھر جب ایک دفعہ صور میں پھونک مار دی جائے گی سورة الحاقة [13]
اور زمین اور پہاڑوں کو اٹھا کر ایک ہی چوٹ میں ریزہ ریزہ کر دیا جائے گا سورة الحاقة [14]
اُس روز وہ ہونے والا واقعہ پیش آ جائے گا سورة الحاقة [15]
اُس دن آسمان پھٹے گا اور اس کی بندش ڈھیلی پڑ جائے گی سورة الحاقة [16]
فرشتے اس کے اطراف و جوانب میں ہوں گے اور آٹھ فرشتے اُس روز تیرے رب کا عرش اپنے اوپر اٹھائے ہوئے ہوں گے سورة الحاقة [17]
وہ دن ہوگا جب تم لوگ پیش کیے جاؤ گے، تمہارا کوئی راز بھی چھپا نہ رہ جائے گا سورة الحاقة [18]
اُس وقت جس کا نامہ اعمال اُس کے سیدھے ہاتھ میں دیا جائے گا وہ کہے گا ’’لو دیکھو، پڑھو میرا نامہ اعمال سورة الحاقة [19]
میں سمجھتا تھا کہ مجھے ضرور اپنا حساب ملنے والا ہے‘‘ سورة الحاقة [20]
پس وہ دل پسند عیش میں ہوگا سورة الحاقة [21]
عالی مقام جنت میں سورة الحاقة [22]
جس کے پھلوں کے گچھے جھکے پڑ رہے ہوں گے سورة الحاقة [23]
(ایسے لوگوں سے کہا جائے گا) مزے سے کھاؤ اور پیو اپنے اُن اعمال کے بدلے جو تم نے گزرے ہوئے دنوں میں کیے ہیں سورة الحاقة [24]
اور جس کا نامہ اعمال اُس کے بائیں ہاتھ میں دیا جائے گا وہ کہے گا ’’کاش میرا اعمال نامہ مجھے نہ دیا گیا ہوتا سورة الحاقة [25]
اور میں نہ جانتا کہ میرا حساب کیا ہے سورة الحاقة [26]
کاش میری وہی موت (جو دنیا میں آئی تھی) فیصلہ کن ہوتی سورة الحاقة [27]
آج میرا مال میرے کچھ کام نہ آیا سورة الحاقة [28]
میرا سارا اقتدار ختم ہو گیا‘‘ سورة الحاقة [29]
(حکم ہو گا) پکڑو اِسے اور اِس کی گردن میں طوق ڈال دو سورة الحاقة [30]
پھر اِسے جہنم میں جھونک دو سورة الحاقة [31]
پھر اِس کو ستر ہاتھ لمبی زنجیر میں جکڑ دو سورة الحاقة [32]
یہ نہ اللہ بزرگ و برتر پر ایمان لاتا تھا سورة الحاقة [33]
اور نہ مسکین کو کھانا کھلانے کی ترغیب دیتا تھا سورة الحاقة [34]
لہٰذا آج نہ یہاں اِس کا کوئی یار غم خوار ہے سورة الحاقة [35]
اور نہ زخموں کے دھوون کے سوا اِس کے لیے کوئی کھانا سورة الحاقة [36]
جسے خطا کاروں کے سوا کوئی نہیں کھاتا سورة الحاقة [37]
پس نہیں، میں قسم کھاتا ہوں اُن چیزوں کی بھی جو تم دیکھتے ہو سورة الحاقة [38]
اور اُن کی بھی جنہیں تم نہیں دیکھتے سورة الحاقة [39]
یہ ایک رسول کریم کا قول ہے سورة الحاقة [40]
کسی شاعر کا قول نہیں ہے، تم لوگ کم ہی ایمان لاتے ہو سورة الحاقة [41]
اور نہ یہ کسی کاہن کا قول ہے، تم لوگ کم ہی غور کرتے ہو سورة الحاقة [42]
یہ رب العالمین کی طرف سے نازل ہوا ہے سورة الحاقة [43]
اور اگر اس (نبی) نے خود گھڑ کر کوئی بات ہماری طرف منسوب کی ہوتی سورة الحاقة [44]
تو ہم اِس کا دایاں ہاتھ پکڑ لیتے سورة الحاقة [45]
اور اِس کی رگ گردن کاٹ ڈالتے سورة الحاقة [46]
پھر تم میں سے کوئی (ہمیں) اس کام سے روکنے والا نہ ہوتا سورة الحاقة [47]
درحقیقت یہ پرہیزگار لوگوں کے لیے ایک نصیحت ہے سورة الحاقة [48]
اور ہم جانتے ہیں کہ تم میں سے کچھ لوگ جھٹلانے والے ہیں سورة الحاقة [49]
ایسے کافروں کے لیے یقیناً یہ موجب حسرت ہے سورة الحاقة [50]
اور یہ بالکل یقینی حق ہے سورة الحاقة [51]
پس اے نبیؐ، اپنے رب عظیم کے نام کی تسبیح کرو سورة الحاقة [52]