ترجمہ قرآن » سورة الواقعة - الواقعة
سورة الواقعة [0]
جب وہ ہونے والا واقعہ پیش آ جائے گا سورة الواقعة [1]
تو کوئی اس کے وقوع کو جھٹلانے والا نہ ہوگا سورة الواقعة [2]
وہ تہ و بالا کر دینے والی آفت ہوگی سورة الواقعة [3]
زمین اس وقت یکبارگی ہلا ڈالی جائے گی سورة الواقعة [4]
اور پہاڑ اس طرح ریزہ ریزہ کر دیے جائیں گے سورة الواقعة [5]
کہ پراگندہ غبار بن کر رہ جائیں گے سورة الواقعة [6]
تم لوگ اُس وقت تین گروہوں میں تقسیم ہو جاؤ گے سورة الواقعة [7]
دائیں بازو والے، سو دائیں بازو والوں (کی خوش نصیبی) کا کیا کہنا سورة الواقعة [8]
اور بائیں بازو والے، تو بائیں بازو والوں (کی بد نصیبی کا) کا کیا ٹھکانا سورة الواقعة [9]
اور آگے والے تو پھر آگے وا لے ہی ہیں سورة الواقعة [10]
وہی تو مقرب لوگ ہیں سورة الواقعة [11]
نعمت بھری جنتوں میں رہیں گے سورة الواقعة [12]
اگلوں میں سے بہت ہوں گے سورة الواقعة [13]
اور پچھلوں میں سے کم سورة الواقعة [14]
مرصع تختوں پر سورة الواقعة [15]
تکیے لگا ئے آمنے سامنے بیٹھیں گے سورة الواقعة [16]
اُن کی مجلسوں میں ابدی لڑکے شراب چشمہ جاری سے لبریز سورة الواقعة [17]
پیالے کنٹر اور ساغر لیے دوڑتے پھرتے ہوں گے سورة الواقعة [18]
جسے پی کر نہ اُن کا سر چکرائے گا نہ ان کی عقل میں فتور آئے گا سورة الواقعة [19]
اور وہ اُن کے سامنے طرح طرح کے لذیذ پھل پیش کریں گے جسے چاہیں چن لیں سورة الواقعة [20]
اور پرندوں کے گوشت پیش کریں گے کہ جس پرندے کا چاہیں استعمال کریں سورة الواقعة [21]
اور ان کے لیے خوبصورت آنکھوں والی حوریں ہوں گی سورة الواقعة [22]
ایسی حسین جیسے چھپا کر رکھے ہوئے موتی سورة الواقعة [23]
یہ سب کچھ اُن اعمال کی جزا کے طور پر انہیں ملے گا جو وہ دنیا میں کرتے رہے تھے سورة الواقعة [24]
وہاں وہ کوئی بیہودہ کلام یا گناہ کی بات نہ سنیں گے سورة الواقعة [25]
جو بات بھی ہوگی ٹھیک ٹھیک ہوگی سورة الواقعة [26]
اور دائیں بازو والے، دائیں بازو والوں کی خوش نصیبی کا کیا کہنا سورة الواقعة [27]
وہ بے خار بیریوں سورة الواقعة [28]
اور تہ بر تہ چڑھے ہوئے کیلوں سورة الواقعة [29]
اور دور تک پھیلی ہوئی چھاؤں سورة الواقعة [30]
اور ہر دم رواں پانی سورة الواقعة [31]
اور کبھی ختم نہ ہونے والے سورة الواقعة [32]
اور بے روک ٹوک ملنے والے بکثرت پھلوں سورة الواقعة [33]
اور اونچی نشست گاہوں میں ہوں گے سورة الواقعة [34]
ان کی بیویوں کو ہم خاص طور پر نئے سرے سے پیدا کریں گے سورة الواقعة [35]
اور انہیں با کرہ بنا دیں گے سورة الواقعة [36]
اپنے شوہروں کی عاشق اور عمر میں ہم سن سورة الواقعة [37]
یہ کچھ دائیں بازو والوں کے لیے ہے سورة الواقعة [38]
وہ اگلوں میں سے بہت ہوں گے سورة الواقعة [39]
اور پچھلوں میں سے بھی بہت سورة الواقعة [40]
اور بائیں بازو والے، بائیں بازو والوں کی بد نصیبی کا کیا پوچھنا سورة الواقعة [41]
وہ لو کی لپٹ اور کھولتے ہوئے پانی سورة الواقعة [42]
اور کالے دھوئیں کے سائے میں ہوں گے سورة الواقعة [43]
جو نہ ٹھنڈا ہوگا نہ آرام دہ سورة الواقعة [44]
یہ وہ لوگ ہوں گے جو اِس انجام کو پہنچنے سے پہلے خوشحال تھے سورة الواقعة [45]
اور گناہ عظیم پر اصرار کرتے تھے سورة الواقعة [46]
کہتے تھے ’’کیا جب ہم مر کر خاک ہو جائیں گے اور ہڈیوں کا پنجر رہ جائیں گے تو پھر اٹھا کھڑے کیے جائیں گے؟ سورة الواقعة [47]
اور کیا ہمارے وہ باپ دادا بھی اٹھائے جائیں گے جو پہلے گزر چکے ہیں؟‘‘ سورة الواقعة [48]
اے نبیؐ، اِن لوگوں سے کہو، یقیناً اگلے اور پچھلے سب سورة الواقعة [49]
ایک دن ضرور جمع کیے جانے والے ہیں جس کا وقت مقرر کیا جا چکا ہے سورة الواقعة [50]
پھر اے گمراہو اور جھٹلانے والو! سورة الواقعة [51]
تم شجر زقوم کی غذا کھانے والے ہو سورة الواقعة [52]
اُسی سے تم پیٹ بھرو گے سورة الواقعة [53]
اور اوپر سے کھولتا ہوا پانی سورة الواقعة [54]
تونس لگے ہوئے اونٹ کی طرح پیو گے سورة الواقعة [55]
یہ ہے بائیں والوں کی ضیافت کا سامان روز جزا میں سورة الواقعة [56]
ہم نے تمہیں پیدا کیا ہے پھر کیوں تصدیق نہیں کرتے؟ سورة الواقعة [57]
کبھی تم نے غور کیا، یہ نطفہ جو تم ڈالتے ہو سورة الواقعة [58]
اس سے بچہ تم بناتے ہو یا اس کے بنانے والے ہم ہیں؟ سورة الواقعة [59]
ہم نے تمہارے درمیان موت کو تقسیم کیا ہے، اور ہم اِس سے عاجز نہیں ہیں سورة الواقعة [60]
کہ تمہاری شکلیں بدل دیں اور کسی ایسی شکل میں تمہیں پیدا کر دیں جس کو تم نہیں جانتے سورة الواقعة [61]
اپنی پہلی پیدائش کو تو تم جانتے ہو، پھر کیوں سبق نہیں لیتے؟ سورة الواقعة [62]
کبھی تم نے سوچا، یہ بیج جو تم بوتے ہو سورة الواقعة [63]
اِن سے کھیتیاں تم اگاتے ہو یا اُن کے اگانے والے ہم ہیں؟ سورة الواقعة [64]
ہم چاہیں تو ان کھیتیوں کو بھس بنا کر رکھ دیں اور تم طرح طرح کی باتیں بناتے رہ جاؤ سورة الواقعة [65]
کہ ہم پر تو الٹی چٹی پڑ گئی سورة الواقعة [66]
بلکہ ہمارے تو نصیب ہی پھوٹے ہوئے ہیں سورة الواقعة [67]
کبھی تم نے آنکھیں کھول کر دیکھا، یہ پانی جو تم پیتے ہو سورة الواقعة [68]
اِسے تم نے بادل سے برسایا ہے یا اِس کے برسانے والے ہم ہیں؟ سورة الواقعة [69]
ہم چاہیں تو اسے سخت کھاری بنا کر رکھ دیں، پھر کیوں تم شکر گزار نہیں ہوتے؟ سورة الواقعة [70]
کبھی تم نے خیال کیا، یہ آگ جو تم سلگاتے ہو سورة الواقعة [71]
اِس کا درخت تم نے پیدا کیا ہے، یا اس کے پیدا کرنے والے ہم ہیں؟ سورة الواقعة [72]
ہم نے اُس کو یاد دہانی کا ذریعہ اور حاجت مندوں کے لیے سامان زیست بنایا ہے سورة الواقعة [73]
پس اے نبیؐ، اپنے رب عظیم کے نام کی تسبیح کرو سورة الواقعة [74]
پس نہیں، میں قسم کھاتا ہوں تاروں کے مواقع کی سورة الواقعة [75]
اور اگر تم سمجھو تو یہ بہت بڑی قسم ہے سورة الواقعة [76]
کہ یہ ایک بلند پایہ قرآن ہے سورة الواقعة [77]
ایک محفوظ کتاب میں ثبت سورة الواقعة [78]
جسے مطہرین کے سوا کوئی چھو نہیں سکتا سورة الواقعة [79]
یہ رب العالمین کا نازل کردہ ہے سورة الواقعة [80]
پھر کیا اس کلام کے ساتھ تم بے اعتنائی برتتے ہو سورة الواقعة [81]
اور اِس نعمت میں اپنا حصہ تم نے یہ رکھا ہے کہ اِسے جھٹلاتے ہو؟ سورة الواقعة [82]
تو جب مرنے والے کی جان حلق تک پہنچ چکی ہوتی ہے سورة الواقعة [83]
اور تم آنکھوں سے دیکھ رہے ہوتے ہو کہ وہ مر رہا ہے، سورة الواقعة [84]
اُس وقت تمہاری بہ نسبت ہم اُس کے زیادہ قریب ہوتے ہیں مگر تم کو نظر نہیں آتے سورة الواقعة [85]
اب اگر تم کسی کے محکوم نہیں ہو اور اپنے اِس خیال میں سچے ہو، سورة الواقعة [86]
اُس وقت اُس کی نکلتی ہوئی جان کو واپس کیوں نہیں لے آتے؟ سورة الواقعة [87]
پھر وہ مرنے والا اگر مقربین میں سے ہو سورة الواقعة [88]
تو اس کے لیے راحت اور عمدہ رزق اور نعمت بھری جنت ہے سورة الواقعة [89]
اور اگر وہ اصحاب یمین میں سے ہو سورة الواقعة [90]
تو اس کا استقبال یوں ہوتا ہے کہ سلام ہے تجھے، تو اصحاب الیمین میں سے ہے سورة الواقعة [91]
اور اگر وہ جھٹلانے والے گمراہ لوگوں میں سے ہو سورة الواقعة [92]
تو اس کی تواضع کے لیے کھولتا ہوا پانی ہے سورة الواقعة [93]
اور جہنم میں جھونکا جانا سورة الواقعة [94]
یہ سب کچھ قطعی حق ہے سورة الواقعة [95]
پس اے نبیؐ، اپنے رب عظیم کے نام کی تسبیح کرو سورة الواقعة [96]