ترجمہ قرآن » سورة النجم - النجم
سورة النجم [0]
قسم ہے تارے کی جبکہ وہ غروب ہوا سورة النجم [1]
تمہارا رفیق نہ بھٹکا ہے نہ بہکا ہے سورة النجم [2]
وہ اپنی خواہش نفس سے نہیں بولتا سورة النجم [3]
یہ تو ایک وحی ہے جو اُس پر نازل کی جاتی ہے سورة النجم [4]
اُسے زبردست قوت والے نے تعلیم دی ہے سورة النجم [5]
جو بڑا صاحب حکمت ہے سورة النجم [6]
وہ سامنے آ کھڑا ہوا جبکہ وہ بالائی افق پر تھا سورة النجم [7]
پھر قریب آیا اور اوپر معلق ہو گیا سورة النجم [8]
یہاں تک کہ دو کمانوں کے برابر یا اس سے کچھ کم فاصلہ رہ گیا سورة النجم [9]
تب اُس نے اللہ کے بندے کو وحی پہنچائی جو وحی بھی اُسے پہنچانی تھی سورة النجم [10]
نظر نے جو کچھ دیکھا، دل نے اُس میں جھوٹ نہ ملایا سورة النجم [11]
اب کیا تم اُس چیز پر اُس سے جھگڑتے ہو جسے وہ آنکھوں سے دیکھتا ہے؟ سورة النجم [12]
اور ایک مرتبہ پھر اُس نے سورة النجم [13]
سدرۃالمنتہیٰ کے پاس اُس کو دیکھا سورة النجم [14]
جہاں پاس ہی جنت الماویٰ ہے سورة النجم [15]
اُس وقت سدرہ پر چھا رہا تھا جو کچھ کہ چھا رہا تھا سورة النجم [16]
نگاہ نہ چوندھیائی نہ حد سے متجاوز ہوئی سورة النجم [17]
اور اس نے اپنے رب کی بڑی بڑی نشانیاں دیکھیں سورة النجم [18]
اب ذرا بتاؤ، تم نے کبھی اِس لات، اور اِس عزیٰ سورة النجم [19]
اور تیسری ایک اور دیوی منات کی حقیقت پر کچھ غور بھی کیا؟ سورة النجم [20]
کیا بیٹے تمہارے لیے ہیں اور بیٹیاں خدا کے لیے؟ سورة النجم [21]
یہ تو بڑی دھاندلی کی تقسیم ہوئی! سورة النجم [22]
دراصل یہ کچھ نہیں ہیں مگر بس چند نام جو تم نے اور تمہارے باپ دادا نے رکھ لیے ہیں اللہ نے اِن کے لیے کوئی سند نازل نہیں کی حقیقت یہ ہے کہ لوگ محض وہم و گمان کی پیروی کر رہے ہیں اور خواہشات نفس کے مرید بنے ہوئے ہیں حالانکہ اُن کے رب کی طرف سے اُن کے پاس ہدایت آ چکی ہے سورة النجم [23]
کیا انسان جو کچھ چاہے اس کے لیے وحی حق ہے سورة النجم [24]
دنیا اور آخرت کا مالک تو اللہ ہی ہے سورة النجم [25]
آسمانوں میں کتنے ہی فرشتے موجود ہیں، اُن کی شفاعت کچھ بھی کام نہیں آ سکتی جب تک کہ اللہ کسی ایسے شخص کے حق میں اُس کی اجازت نہ دے جس کے لیے وہ کوئی عرضداشت سننا چاہے اور اس کو پسند کرے سورة النجم [26]
مگر جو لوگ آخرت کو نہیں مانتے وہ فرشتوں کو دیویوں کے ناموں سے موسوم کرتے ہیں سورة النجم [27]
حالانکہ اس معاملہ کا کوئی علم انہیں حاصل نہیں ہے، وہ محض گمان کی پیروی کر رہے ہیں، اور گمان حق کی جگہ کچھ بھی کام نہیں دے سکتا سورة النجم [28]
پس اے نبیؐ، جو شخص ہمارے ذکر سے منہ پھیرتا ہے، اور دنیا کی زندگی کے سوا جسے کچھ مطلوب نہیں ہے، اُسے اس کے حال پر چھوڑ دو سورة النجم [29]
اِن لوگوں کا مبلغ علم بس یہی کچھ ہے، یہ بات تیرا رب ہی زیادہ جانتا ہے کہ اُس کے راستے سے کون بھٹک گیا ہے اور کون سیدھے راستے پر ہے سورة النجم [30]
اور زمین اور آسمانوں کی ہر چیز کا مالک اللہ ہی ہے تاکہ اللہ برائی کرنے والوں کو ان کے عمل کا بدلہ دے اور اُن لوگوں کو اچھی جزا سے نوازے جنہوں نے نیک رویہ اختیار کیا ہے سورة النجم [31]
جو بڑے بڑے گناہوں اور کھلے کھلے قبیح افعال سے پرہیز کرتے ہیں، الا یہ کہ کچھ قصور اُن سے سرزد ہو جائے بلاشبہ تیرے رب کا دامن مغفرت بہت وسیع ہے وہ تمھیں اُس وقت سے خوب جانتا ہے جب اُس نے زمین سے تمہیں پیدا کیا اور جب تم اپنی ماؤں کے پیٹوں میں ابھی جنین ہی تھے پس اپنے نفس کی پاکی کے دعوے نہ کرو، وہی بہتر جانتا ہے کہ واقعی متقی کون ہے سورة النجم [32]
پھر اے نبیؐ، تم نے اُس شخص کو بھی دیکھا جو راہ خدا سے پھر گیا سورة النجم [33]
اور تھوڑا سا دے کر رک گیا سورة النجم [34]
کیا اس کے پاس غیب کا علم ہے کہ وہ حقیقت کو دیکھ رہا ہے؟ سورة النجم [35]
کیا اُسے اُن باتوں کی کوئی خبر نہیں پہنچی جو موسیٰؑ کے صحیفوں سورة النجم [36]
اور اُس ابراہیمؑ کے صحیفوں میں بیان ہوئی ہیں جس نے وفا کا حق ادا کر دیا؟ سورة النجم [37]
’’یہ کہ کوئی بوجھ اٹھانے والا دوسرے کا بوجھ نہیں اٹھائے گا سورة النجم [38]
اور یہ کہ انسان کے لیے کچھ نہیں ہے مگر وہ جس کی اُس نے سعی کی ہے سورة النجم [39]
اور یہ کہ اس کی سعی عنقریب دیکھی جائے گی سورة النجم [40]
اور اس کی پوری جزا اسے دی جائے گی سورة النجم [41]
اور یہ کہ آخر کار پہنچنا تیرے رب ہی کے پاس ہے سورة النجم [42]
اور یہ کہ اُسی نے ہنسایا اور اُسی نے رلایا سورة النجم [43]
اور یہ کہ اُسی نے موت دی اور اُسی نے زندگی بخشی سورة النجم [44]
اور یہ کہ اُسی نے نر اور مادہ کا جوڑا پیدا کیا سورة النجم [45]
ایک بوند سے جب وہ ٹپکائی جاتی ہے سورة النجم [46]
اور یہ کہ دوسری زندگی بخشنا بھی اُسی کے ذمہ ہے سورة النجم [47]
اور یہ کہ اُسی نے غنی کیا اور جائداد بخشی سورة النجم [48]
اور یہ کہ وہی شعریٰ کا رب ہے سورة النجم [49]
اور یہ کہ اُسی نے عاد اولیٰ کو ہلاک کیا سورة النجم [50]
اور ثمود کو ایسا مٹایا کہ ان میں سے کسی کو باقی نہ چھوڑا سورة النجم [51]
اور اُن سے پہلے قوم نوحؑ کو تباہ کیا کیونکہ وہ تھے ہی سخت ظالم و سرکش لوگ سورة النجم [52]
اور اوندھی گرنے والی بستیوں کو اٹھا پھینکا سورة النجم [53]
پھر چھا دیا اُن پر وہ کچھ جو (تم جانتے ہی ہو کہ) کیا چھا دیا سورة النجم [54]
پس اے مخاطب، اپنے رب کی کن کن نعمتوں میں تو شک کرے گا؟‘‘ سورة النجم [55]
یہ ایک تنبیہ ہے پہلے آئی ہوئی تنبیہات میں سے سورة النجم [56]
آنے والی گھڑی قریب آ لگی ہے سورة النجم [57]
اللہ کے سوا کوئی اُس کو ہٹا نے والا نہیں سورة النجم [58]
اب کیا یہی وہ باتیں ہیں جن پر تم اظہار تعجب کرتے ہو؟ سورة النجم [59]
ہنستے ہو اور روتے نہیں ہو؟ سورة النجم [60]
اور گا بجا کر انہیں ٹالتے ہو؟ سورة النجم [61]
جھک جاؤ اللہ کے آگے اور بندگی بجا لاؤ سورة النجم [62]