ترجمہ قرآن » سورة الذاريات - الذاريات
سورة الذاريات [0]
قسم ہے اُن ہواؤں کی جو گرد اڑانے والی ہیں سورة الذاريات [1]
پھر پانی سے لدے ہوئے بادل اٹھانے والی ہیں سورة الذاريات [2]
پھر سبک رفتاری کے ساتھ چلنے والی ہیں سورة الذاريات [3]
پھر ایک بڑے کام (بارش) کی تقسیم کرنے والی ہیں سورة الذاريات [4]
حق یہ ہے کہ جس چیز کا تمہیں خوف دلایا جا رہا ہے وہ سچی ہے سورة الذاريات [5]
اور جزائے اعمال ضرور پیش آنی ہے سورة الذاريات [6]
قسم ہے متفرق شکلوں والے آسمان کی سورة الذاريات [7]
(آخرت کے بارے میں) تمہاری بات ایک دوسرے سے مختلف ہے سورة الذاريات [8]
اُس سے وہی برگشتہ ہوتا ہے جو حق سے پھرا ہوا ہے سورة الذاريات [9]
مارے گئے قیاس و گمان سے حکم لگانے والے سورة الذاريات [10]
جو جہالت میں غرق اور غفلت میں مدہوش ہیں سورة الذاريات [11]
پوچھتے ہیں آخر وہ روز جزاء کب آئے گا؟ سورة الذاريات [12]
وہ اُس روز آئے گا جب یہ لوگ آگ پر تپائے جائیں گے سورة الذاريات [13]
(اِن سے کہا جائے گا) اب چکھو مزا اپنے فتنے کا یہ وہی چیز ہے جس کے لیے تم جلدی مچا رہے تھے سورة الذاريات [14]
البتہ متقی لوگ اُس روز باغوں اور چشموں میں ہوں گے سورة الذاريات [15]
جو کچھ اُن کا رب انہیں دے گا اسے خوشی خوشی لے رہے ہوں گے وہ اُس دن کے آنے سے پہلے نیکو کار تھے سورة الذاريات [16]
راتوں کو کم ہی سوتے تھے سورة الذاريات [17]
پھر وہی رات کے پچھلے پہروں میں معافی مانگتے تھے سورة الذاريات [18]
اور اُن کے مالوں میں حق تھا سائل اور محروم کے لیے سورة الذاريات [19]
زمین میں بہت سی نشانیاں ہیں یقین لانے والوں کے لیے سورة الذاريات [20]
اور خود تمہارے اپنے وجود میں ہیں کیا تم کو سوجھتا نہیں؟ سورة الذاريات [21]
آسمان ہی میں ہے تمہارا رزق بھی اور وہ چیز بھی جس کا تم سے وعدہ کیا جا رہا ہے سورة الذاريات [22]
پس قسم ہے آسمان اور زمین کے مالک کی، یہ بات حق ہے، ایسی ہی یقینی جیسے تم بول رہے ہو سورة الذاريات [23]
اے نبیؐ، ابراہیمؑ کے معزز مہمانوں کی حکایت بھی تمہیں پہنچی ہے؟ سورة الذاريات [24]
جب وہ اُس کے ہاں آئے تو کہا آپ کو سلام ہے اُس نے کہا ’’آپ لوگوں کو بھی سلام ہے کچھ نا آشنا سے لوگ ہیں‘‘ سورة الذاريات [25]
پھر وہ چپکے سے اپنے گھر والوں کے پاس گیا، اور ایک موٹا تازہ بچھڑا لا کر سورة الذاريات [26]
مہمانوں کے آگے پیش کیا اُس نے کہا آپ حضرات کھاتے نہیں؟ سورة الذاريات [27]
پھر وہ اپنے دل میں ان سے ڈرا انہوں نے کہا ڈریے نہیں، اور اُسے ایک ذی علم لڑکے کی پیدائش کا مژدہ سنایا سورة الذاريات [28]
یہ سن کر اُس کی بیوی چیختی ہوئی آگے بڑھی اور اس نے اپنا منہ پیٹ لیا اور کہنے لگی، ’’بوڑھی، بانجھ!‘‘ سورة الذاريات [29]
انہوں نے کہا ’’یہی کچھ فرمایا ہے تیرے رب نے، وہ حکیم ہے اور سب کچھ جانتا ہے‘‘ سورة الذاريات [30]
ابراہیمؑ نے کہا ’’اے فرستادگان الٰہی، کیا مہم آپ کو در پیش ہے؟ سورة الذاريات [31]
انہوں نے کہا ’’ہم ایک مجرم قوم کی طرف بھیجے گئے ہیں سورة الذاريات [32]
تاکہ اُس پر پکی ہوئی مٹی کے پتھر برسا دیں سورة الذاريات [33]
جو آپ کے رب کے ہاں حد سے گزر جانے والوں کے لیے نشان زدہ ہیں‘‘ سورة الذاريات [34]
پھر ہم نے اُن سب لوگوں کو نکال لیا جو اُس بستی میں مومن تھے سورة الذاريات [35]
اور وہاں ہم نے ایک گھر کے سوا مسلمانوں کا کوئی گھر نہ پایا سورة الذاريات [36]
اس کے بعد ہم نے وہاں بس ایک نشانی اُن لوگوں کے لیے چھوڑ دی جو درد ناک عذاب سے ڈرتے ہوں سورة الذاريات [37]
اور (تمہارے لیے نشانی ہے) موسیٰؑ کے قصے میں جب ہم نے اُسے صریح سند کے ساتھ فرعون کے پاس بھیجا سورة الذاريات [38]
تو وہ اپنے بل بوتے پر اکڑ گیا اور بولا یہ جادوگر ہے یا مجنوں ہے سورة الذاريات [39]
آخر کار ہم نے اُسے اور اس کے لشکروں کو پکڑا اور سب کو سمندر میں پھینک دیا اور وہ ملامت زدہ ہو کر رہ گیا سورة الذاريات [40]
اور (تمہارے لیے نشانی ہے) عاد میں، جبکہ ہم نے ان پر ایک ایسی بے خیر ہوا بھیج دی سورة الذاريات [41]
کہ جس چیز پر بھی وہ گزر گئی اسے بوسیدہ کر کے رکھ دیا سورة الذاريات [42]
اور (تمہارے لیے نشانی ہے) ثمود میں، جب اُن سے کہا گیا تھا کہ ایک خاص وقت تک مزے کر لو سورة الذاريات [43]
مگر اس تنبیہ پر بھی انہوں نے اپنے رب کے حکم سے سرتابی کی آخر کار ان کے دیکھتے دیکھتے ایک اچانک ٹوٹ پڑنے والے عذاب نے اُن کو آ لیا سورة الذاريات [44]
پھر نہ اُن میں اٹھنے کی سکت تھی اور نہ وہ اپنا بچاؤ کر سکتے تھے سورة الذاريات [45]
اور ان سب سے پہلے ہم نے نوحؑ کی قوم کو ہلاک کیا کیونکہ وہ فاسق لوگ تھے سورة الذاريات [46]
آسمان کو ہم نے اپنے زور سے بنایا ہے اور ہم اِس کی قدرت رکھتے ہیں سورة الذاريات [47]
زمین کو ہم نے بچھایا ہے اور ہم بڑے اچھے ہموار کرنے والے ہیں سورة الذاريات [48]
اور ہر چیز کے ہم نے جوڑے بنائے ہیں، شاید کہ تم اس سے سبق لو سورة الذاريات [49]
تو دوڑو اللہ کی طرف، میں تمہارے لیے اس کی طرف سے صاف صاف خبردار کرنے والا ہوں سورة الذاريات [50]
اور نہ بناؤ اللہ کے ساتھ کوئی دوسرا معبود، میں تمہارے لیے اُس کی طرف سے صاف صاف خبردار کرنے والا ہوں سورة الذاريات [51]
یونہی ہوتا رہا ہے، اِن سے پہلے کی قوموں کے پاس بھی کوئی رسول ایسا نہیں آیا جسے انہوں نے یہ نہ کہا ہو کہ یہ ساحر ہے یا مجنون سورة الذاريات [52]
کیا اِن سب نے آپس میں اِس پر کوئی سمجھوتہ کر لیا ہے؟ نہیں، بلکہ یہ سب سرکش لوگ ہیں سورة الذاريات [53]
پس اے نبیؐ، ان سے رخ پھیر لو، تم پر کچھ ملامت نہیں سورة الذاريات [54]
البتہ نصیحت کرتے رہو، کیونکہ نصیحت ایمان لانے والوں کے لیے نافع ہے سورة الذاريات [55]
میں نے جن اور انسانوں کو اِس کے سوا کسی کام کے لیے پیدا نہیں کیا ہے کہ وہ میری بندگی کریں سورة الذاريات [56]
میں اُن سے کوئی رزق نہیں چاہتا اور نہ یہ چاہتا ہوں کہ وہ مجھے کھلائیں سورة الذاريات [57]
اللہ تو خود ہی رزاق ہے، بڑی قوت والا اور زبردست سورة الذاريات [58]
پس جن لوگوں نے ظلم کیا ہے ان کے حصے کا بھی ویسا ہی عذاب تیار ہے جیسا اِنہی جیسے لوگوں کو اُن کے حصے کا مل چکا ہے، اس کے لیے یہ لوگ جلدی نہ مچائیں سورة الذاريات [59]
آخر کو تباہی ہے کفر کرنے والوں کے لیے اُس روز جس کا انہیں خوف دلایا جا رہا ہے سورة الذاريات [60]